БИШКЕК, 28-май — Sputnik. Бишкек мэриясы коомдук мончолордун, сауналардын жана SPA-борборлордун иштөөсүнө уруксат берди. Бул тууралуу муниципалитеттин маалымат кызматы билдирди.
Башка уруксат берилген ишканалардай эле буларга да санитардык нормаларды сактоо, имараттын ичин дезинфекциялоо, администрация жана тейлөө кызматындагыларга бет кап, кол кап кийип жүрүү талаптары коюлган.
Ал эми кардарлар үчүн санитайзерлер жана антисептик болуусу кажет. Социалдык аралыкты сактоо белгилери, жабдыктардын турушу шарт экени айтылды.
Коронавирустун кесепети
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды.
Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.
