БИШКЕК, 27-май — Sputnik. 28-майда Ош облусунун тоо этектеринде жана тоолуу райондорунда өткүн өтүп, күн күркүрөшү күтүлөт. Ал эми өлкөнүн калган аймактарында күн ачык болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге чейин жетет.
Маалыматка ылайык, абанын температурасы Чүй менен Таласта +26…+31, Ош, Баткен, Жалал-Абад облустарында +29…+34, Ысык-Көлдө +21…+26 жана Нарын жергесинде +24…+29 градус ысык болот.
Ал эми Бишкек жана Ош шаарында жаан-чачын күтүлбөйт. Күндүн табы борбор калаада +29…+31 градуска чейин, Ошто +32…+34 градуска дейре көтөрүлөт.
