БИШКЕК, 20-май — Sputnik. Оренбург шаарынан учуп жатканда бир аялдын паспорту жасалма жана экөө Россиянын жараны болгону үчүн Кыргызстанга коё берилген жок. Бул тууралуу Кыргызстандын Россиядагы элчилигинин маалымат кызматы билдирди.
Эске сала кетсек, бүгүн кечинде Оренбург — Бишкек чартердик каттамы менен 164 киши алып келинген.
"Оренбургдан чыгарда бир аял жасалма паспорту менен кармалып, ага карата кылмыш иши козголду. Ошондой эле Россиянын жараны болгону үчүн эки адамды чек арадан өткөргөн жок. Учкандардын тизмесин жарыялагыла дегендер болууда, бирок элчилик мыйзам боюнча аларды уруксаты жок аткара албайт", — деп айтылат маалыматта.
Элчилик бул рейс менен оорулуу, майыптыгы бар, улгайган жана кош бойлуу адамдар, жашы жете элек балдары бар ата-энелер, ошондой эле Москвадагы жатаканадан чыгып калган мекендештер келгенин белгиледи.
"Келгендер — эки кичине бала, 82 аял (алардын 33ү кош бойлуу), улгайган же оорусу бар 80 эркек киши", — деп айтылды.
Ошондой эле Бузулук районунда калган жарандарды мекенге кайтаруу иштери улантылары айтылды. Жакында элчилик 400гө жакын кишини автобус менен өлкөгө жөнөтүүнү пландап жатат.
