БИШКЕК, 17-май — Sputnik. Бишкек мэриясынын маалымат кызматы Sputnik Кыргызстан агенттигине болочоктогу "Ынтымак-2" деп аталган парктын курулуп жаткан амфитеатрынын эскизин берди.
Гүлбак да жаңы курулуп жатат, ал буга чейинки "Ынтымак" паркынын чыгыш тарабынан орун алмакчы. Алар Түштүк магистралдын аймагында (Токтоналиев көчөсү менен кесилишет) жайгашкан.
Бишкек мэриясы буга чейин амфитеатрдын курулушу кандай жүрүп жаткандыгын көрсөткөн эле.
Ынтымак 2 сейил багында амфитеатр болот. Бишкекасфальтсервис куруп жатат. Пандемия сууганда... #городпродолжаетработу pic.twitter.com/ahcExYFNts
— Мэрия города Бишкек (@bishkekcityhall) May 16, 2020
Муниципалитеттин берген маалыматтарына караганда, амфитеатрдын сахнасынын алдында петроглифтери бар боз үй орун алат. Сахнанын айланасына орундуктар орнотулат.
Ал эми суудан өтө турган көпүрөчүлөр комуздун элесин берип турарын айтышты. Салкын аллеянын узундугу 260 метрге чукул болот.
Андан сырткары майып балдар үчүн атайын аянтчалар каралган. Мэриянын аны менен кошо эле отургузулган бак-дарактарды сугарып туруу боюнча атайын тармактардын маселесин кошо чечип жаткандыгы кабарланды.
Бул иштердин качан бүтүп, шаардыктарга кайсы учурда тартуулана турган мөөнөтү боюнча айтылган жок.
