БИШКЕК, 15-май — Sputnik. 16-май, ишемби күнү, республика боюнча мезгил-мезгили менен жаан жаап, күн күркүрөшү, бийик тоолуу райондордо кар жаашы күтүлөт, кээ бир аймактарда жаан-чачын катуу жаайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетет.
Билдирүүгө ылайык, абанын температурасы Чүй, Ош, Баткен жана Жалал-Абад облустарында +19…+24, Талас жергесинде +16…+21 жана Ысык-Көл менен Нарында +17…+22 градус жылуу болот.
Ал эми Бишкек шаарында күндүн биринчи жарымында жаан-чачын күтүлбөйт, түштөн кийин жаан жаап, күн күркүрөйт. Ош калаасында да мезгил-мезгили менен жаан жаайт. Абанын температурасы ордо калаада +22…+24 градуска чейин жетсе, Ошто күндүн табы +20…+22 градуска дейре жогорулайт.
