Радиостудия Sputnik Кыргызстан в Бишкеке - Sputnik Кыргызстан
Радио

Асыкулов: илбирстер картайып же жарадар болсо гана ылдый түшөт

© Sputnik / Эркин СадыковNABU-Кыргызстан уюмунун жетекчиси Толкунбек Асыкулов
NABU-Кыргызстан уюмунун жетекчиси Толкунбек Асыкулов - Sputnik Кыргызстан
Жазылуу
NABU-Кыргызстан уюмунун жетекчиси Толкунбек Асыкулов 3-майда Нарын облусунун Эмгек-Талаа айылынан кармалган ак илбирстин бир буту аксак жана көзүнүн көрүүсү начар экенин айтты.
Асыкулов: илбирстер картайып же жарадар болсо гана ылдый түшөт

Ак илбирстер бийик тоолуу аймактарды гана байырлайт. Алар жарадар болуп же карып калганда эле азык издеп тоодон ылдый түшпөсө, башка учурда адам жашаган жерден көрүүгө мүмкүн эмес. Жакында эле Нарында кармалган ак илбирс дагы картайып калган экен. Ошол себептен тоодон түшкөн. Бул тууралуу Толкунбек Асыкулов Sputnik Кыргызстан радиосуна маек куруп жатып билдирди.

Анын айтымында, жырткычтын бийик тоодон ылдый түшүп келишине браконьерлердин тиешеси жок.

"Нарында кармалган ак илбирстин абалы өтө начар. Себеби шайы ооп, аябай эле картайып калыптыр. Анын үстүнө бир бутунан аксап жана тиштери да түшүп калганын аныктадык. Бүгүн ал көзөмөлүбүздө. Бирок ветеринарларга дагы көрсөтөбүз. Андан кийин гана толук диагноз коюп, тийиштүү чечимдер кабыл алынат. Азыркы тапта сөөгү жок, жумшак эт менен багып жатабыз. Жакын арада жакшы болуп калат деген үмүт чоң. Жырткычты кайра жаратылыштагы өз чөйрөсүнө кое берүү маселеси турат. Бирок картайып калгандыгына байланыштуу аны кое берүү туура эмес. Жапайы чөйрөдө тамак таап жей албай өлүп калышы мүмкүн", — деди Асыкулов.

Ал ошондой эле Нарында кармалган ак илбирс эркек экенин айтып, ага Тентек  деп ат коюшканын кошумчалады.

Жаңылыктар түрмөгү
0