"Өлбөс полк - онлайн" жүрүшүн кантип көрсө болот? Уюштуруучулардын маалыматы

© Sputnik / Наталья Селиверстова / Медиабанкка өтүүНоутбуктун жана смартфондун экрандарында "Одноклассники" социалдык тармак. Архив
Ноутбуктун жана смартфондун экрандарында Одноклассники социалдык тармак. Архив - Sputnik Кыргызстан
Жазылуу
Онлайн жүрүштүн трансляциясы Петропавловск-Камчатский убактысы боюнча саат 11:00дө, Москвада түнкү 2де, ал эми Бишкекте таңкы 5те башталат.

БИШКЕК, 8-май — Sputnik. "Өлбөс полк – онлайн" виртуалдык жүрүшүнүн уюштуруучулары менен түзүүчүлөрү иш-чаранын катышуучуларын кызыктырган суроолор боюнча маалымат беришти.

Бүгүнкү күндө виртуалдык жүрүшкө катышуу үчүн 2 миллион 100 миң арыз келип түшкөн. Анын ар бири сөзсүз түрдө модерациядан өткөрүлөт, андан кийин гана ардагер онлайн-жүрүшкө жөнөтүлөт.

Кыргызстандыктар Улуу Ата Мекендик согушта кантип салгылашкан - Sputnik Кыргызстан
Жүрөк тилген видео! Аталардын Улуу Ата Мекендик согуштагы эрдиги
Акцияга улуу муундун өкүлдөрү гана эмес, жаштар да катышууда. Тиркеменин дээрлик үчтөн бир бөлүгү 21 жашка чейинки балдар. Анкетаны толтургандардын бардыгы өздөрүнүн баатырларын соцтармак аркылуу виртуалдык Өлбөс полктун жүрүшүнөн көрө алышат.

Жетишпей калгандар онлайн жүрүшкө катышуу үчүн төмөнкү ресурстар аркылуу анкета толтура алышат: 2020.polkrf.ru сайты, "Одноклассники" жана "В Контакте" соцтармактары, sber9may.ru.

Онлайн жүрүштүн трансляциясы Петропавловск-Камчатский убактысы боюнча саат 11:00дө, Москвада түнкү 2де, ал эми Бишкекте таңкы 5те башталат.

9-май күнү онлайн жүрүш Россиянын медиа экрандарында, Москва метросунда, россиялык телеканалдарда көрсөтүлөт.

Мындан сырткары жүрүштү "ВКонтакте" жана "Одноклассники" социалдык тармактары аркылуу көрүүгө болот. Трансляцияга көптөгөн интернет-аянтчалар дагы кошулат. Мисалы, "Okko", Море.тв, Ivi.ru онлайн кинотеатрларынан, РИА Новости, Sputnik эл аралык маалымат агенттиктеринин сайттарынан, Россиянын "Өлбөс полк" порталынан www.polkrf.ru жана эл аралык "Өлбөс полктун" сайтынан www.polk.press көрүүгө болот.

Өлбөс полк онлайн акциясын уюштуруучуларынын бири Нуриля Чолпонбаева - Sputnik Кыргызстан
Радио
Чолпонбаева: "Өлбөс полк" үчүн түзүлгөн сайт архивдик база болуп калат
Бирок бир күндүн ичинде бир нече миллион ардагердин сүрөтүн толук көрсөтүп, аттарын окууга техникалык жактан мүмкүн эмес. Буга байланыштуу тармактагы жүрүш канча күн керек болсо ошончо күнгө созулат.

9-майдан кийин жүрүш үч онлайн-аянтча аркылуу көрсөтүлөт: Россиянын "Өлбөс полк" сайты www.polkrf.ru менен эл аралык "Өлбөс полктун" сайтында www.polk.press, ошондой эле "Okko" онлайн-кинотеатрында.

"Россиянын Өлбөс полк" коомдук жүрүшүнүн борбордук штабынын теңтөрагасы Сергей Макаров акцияга катышуу үчүн арыздар 9-майда, Москва убактысы боюнча саат 15:00гө чейин (18:00 Бишкек убактысы боюнча) кабыл алынарын билдирди.

Маалыматтык өнөктөштөр: "Россия сегодня" эл аралык маалымат агенттиги, ТАСС маалымат агенттиги, Мегафон жана Tele2 уюлдук операторлору, "Okko", Море.тв, Ivi.ru онлайн-кинотеатрлары, СТС, "Победа" телеканалдары.

Жаңылыктар түрмөгү
0