Бишкектин 80 жылда өзгөргөн ирмемдери. Борбордун 142 жылдыгына арналган видео

Жазылуу
Бүгүн Бишкектин түптөлгөнүнө 142 жыл болду. Бул күндөрү Бишкектин "туулган күнүн" белгилеп, көчөлөрү менен парктарында сейилдеп жүрө албайсыз.

Андыктан сүйүктүү шаарыбыздын сулуулугун аралап эмес, эсибиздеги учуру менен элестетсек болот.

Погода в Бишкеке - Sputnik Кыргызстан
Бутуна туруп кетиши үчүн Бишкекке канча акча керек? Борбор калаа тууралуу 142 факт
Сиз көрүп турган кадрлар 1939-жылы тартылган. Анда шаарда 50 миңдей адам жашачу экен, а бүгүн калктын саны миллиондон көбүрөөк. Борбор атын үч жолу алмаштырган: Пишпек, Фрунзе, Бишкек. Ар бир аталышынын өзүнүн тарыхы бар.

Бишкек эки айдан бери карантинди башынан кечирүүдө. Бирок 1-майда кээ бир ишканалар кайрадан ишин жандандырат. Ал эми 11-майда коомдук транспорт каттап баштайт.

Адатта шаар күнү шаң менен белгиленип, концерт, салтанат уюштурулчу. Быйыл карантинден улам шаардыктар бул майрамды үйүнөн тосууда. Себеби коронавирус жайылып кетпеши үчүн азыр үйдө отуруу маанилүү болуп турган учур.

COVID-19 жана Кыргызстан

Кыргызстанда коронавирус жуктуруп алгандардын саны 729га жетти. Анын ичинен 437си айыкса, сегизи каза болгон.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik Кыргызстан редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Жаңылыктар түрмөгү
0