БИШКЕК, 28-апр. — Sputnik. Олий Мажлистин Мыйзам чыгаруучу палатасынын жыйынында депутаттар Өзбекстандын Евразия экономикалык бирикмесине байкоочу мамлекет катары кирүү маселесин карап, колдоп беришти. Бул тууралуу Sputnik Өзбекстан жазды.
Маалыматка караганда, бирикмеге байкоочу өлкө катары кошулууну эл өкүлдөрүнүн көпчүлүгү колдоого алган.
“Жыйынга катышкан 132 депутаттын 86сы “макул” десе, 32си каршы чыкты. Ал эми 14ү калыс”, — деп айтылат маалыматта.
Өзбекстанды ЕАЭБге байкоочу катары киргизүү маселеси үстүбүздөгү жылдын март айында көтөрүлгөн.
