БИШКЕК, 22-апр. — Sputnik. Коронавирус инфекциясы саясий тузак деп эсептеген америкалык киши, Огайо штатындагы Мэрион округунун тургуну Дон МакДэниел COVID-19 жуктуруп каза тапты. Бул тууралуу The Mirror жазды.
60 жаштагы МакДэниел Facebook социалдык тармагына буга чейин агрессиялык маанайдагы постторду — коронавирус саясий тузак, ал эми үйдө отур деген болбогон кеп деген тейде жазып келген.
"Эгерде ооруну жугузуп алам деп көлөкөңдөн да коркуп жатсаң, ресторан, пабдарга барбай эле кой. Башкалардын жашоосуна тоскоол болбошу керек. Мындай акылсыздык токтотулушу керек", — деген МакДэниел.
Марттын аяк ченинде ал кишиден COVID-19 табылып, эки жумага жетип-жетпей, 15-апрелде көз жумган.
Дүйнөдө COVID-19 жайылганын токтото элек. Жонс Хопкинс университетинин маалыматы боюнча, планетада 2 миллион 567 миӊ 327 адам коронавируска чалдыккан. Алардын ичинен 177 миӊ 521 адам каза болду.
Ал эми Кыргызстандагы коронавирус боюнча абалды Sputnik Кыргызстан жүргүзүп жаткан тексттик баяндамадан окуп турсаңыз болот.
Ал эми кыска маалыматтар менен Телеграм каналдан тааныша аласыз.
