Маанилүү тапшырмалар берилди. Путин коронавирус боюнча онлайн жыйын курду

БИШКЕК, 8-апр. — Sputnik. Россиянын президенти Владимир Путин өкмөт жана губернаторлорго чейин пандемия шартында жасалчу чараларды сунуштап, тапшырмаларды берди.

Анын айтымында, негизги милдеттер — вирустун жайылышын ооздуктоо, калктын ден соолугуна кам көрүү, экономиканын туруктуулугун сактоо, ошондой эле жарандарды иш менен камсыз кылып, кирешесин сактап калуу.

Мындан тышкары, Путин бардык аймактардагы медициналык мекемелер даярдыгын күчөтүшү керектигин айтты.

Путиндин кайрылуусунун урунттуу учурлары:

• Өлкөнүн Финансы министрлиги аймактарда коронавируска каршы күрөшүүгө жумшалчу каражаттардын эркин колдонулушуна шарт түзүшү керек;
• Медиктерге аскер кызматкерлериники сыяктуу камсыздандыруу кепилдиги берилиши шарт;
• Апрелден тарта үч айга медиктерге 25-80 миң рубль өлчөмүндөгү атайын төлөмдөр бекитилиши керек;
• Өкмөт менен Борбордук банк беш күндүн ичинде кызмат орундар жана айлык акы сакталып калышы үчүн бизнеске колдоо көрсөтүү боюнча программаны иштеп чыгуусу зарыл;
• Тобокелдиктен улам токтоп калган ишканалардын тизмеси түзүлүп, калгандары ишин улантышы керек;
• Биринчи кезекте элди иш менен камсыз кылып жаткан компанияларга жардам берүү;
• 3-7 жаштагы балдардын ата-энелери төлөмдөрдү алуу үчүн маалымкатсыз эле кайрылса болот;
• Чакан жана орто бизнес менен алектенген бардык ишканаларга камсыздандыруу төлөмдөрү боюнча мөөнөттү жарым жылга узартуу;
• Бизнес өзүнүн бардык компанияларын сактап калууга аракет кылышы керек;

Кредиттик каникулдардын параметрлерин кеңейтүү:

• Жумушсуз калгандарга бийлик түз жардам иретинде жөлөк пул төлөп берет;
• Ата-энеси ишсиз калган балалуу үй-бүлөлөргө бала башына ай сайын үч миң рублдан жөлөк пул берилет.

Акыркы маалыматтар боюнча, РФде COVID-19 вирусун 8,6 миңден ашык киши жуктуруп, 580и айыгып, 63 киши көз жумган. Жалпысынан 910 миң тест жүргүзүлгөн.