БИШКЕК, 8-апр. — Sputnik. Жумушсуз калып, атайын органдарга 1-марттан кийин кайрылган бардык жарандарга Россия үч ай бою жумушсуздук боюнча жөлөк пул төлөп турууну чечти. Бул тууралуу РФ лидери Владимир Путин аймак жетекчилери менен онлайн-жыйын учурунда билдирди.
Апрель, май жана июнь айларында жарандарга 12 130 рублдан берилет.
"Жарандар бул акчаны эч кандай убарасыз, көрүнгөн эшикти каккылабай, дистанттык негизде документтерин даярдап жана тез алгыдай болушу керек”, — деди президент.
Ошондой эле ал өкмөткө паспорт, айдоочулук күбөлүк сыяктуу маанилүү документтердин мөөнөтү өтүп бара жаткан учурда автоматтык түрдө үч айга узартып берүү тапшырмасын койду.
