Камчыбеков: адамдын жүрүм-турумунан алдап жатканын билсе болот
Атайын ыкмалар колдонулуп, адамдын алдап жатканын, психологиялык абалын аныктаса болот. Илим профайлинг деп аталат. Бул тууралуу Арсланбек Камчыбеков Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, алдамчылар курч, катаал кырдаалдарды колдонушу ыктымал.
"Алдамчылык сапаты тарбия, чөйрөнүн таасиринен пайда болот. Демек, жалган айтуу ген аркылуу берилбейт. Мына ушул сапатты аныктаган атайын ыкма бар. Ал профайлинг деп аталып, психологиялык жана криминиластикалык ыкма болуп саналат. Анын эң негизги максаты — кадимки алдамчыдан тартып шылуундардан, террористтерден катардагы кишилердин коопсуздугун камсыздоо. Адамдын жүрүш-турушун, сүйлөгөнүн, мимикасын, жаңсоолорун байкап анын психологиялык портретин түзүү, калп айтып жаткан адамды аныктоо. Бул ыкма көптөгөн өлкөлөрдүн атайын кызматтарында колдонулат", — деди Камчыбеков.
Ошондой эле ал жарандар дайыма өзүнө сак болуп, ашыкча ишенчээк болбошу керектигин кошумчалады.
