Радиостудия Sputnik Кыргызстан в Бишкеке - Sputnik Кыргызстан
Радио

Шерипова: сел каптоо коркунучу бар жерлерде абалга карабай иштер уланууда

© Sputnik / Жоомарт УраимовИсполняющая обязанности начальника пресс-службы МЧС КР Эльмира Шерипова
Исполняющая обязанности начальника пресс-службы МЧС КР Эльмира Шерипова - Sputnik Кыргызстан
Жазылуу
Өзгөчө кырдаалдар министрлигинин маалымат кызматынын башчысы Элмира Шерипова азыркы жагдайга карабастан ӨКМ өзүнүн негизги милдеттерин аткарууну үзгүлтүккө учуратпай тургандыгын айтты.
Шерипова: сел каптоо коркунучу бар жерлерде абалга карабай иштер улану

Табигый кырсыктардын алдын алуу иш-чаралары аткарылбаса кооптуу абал жаралып калышы ыктымал. Жыл башында 300дөн ашуун объектиде иш аткарууну мерчемдеп алганбыз. Бирок кырдаалга жараша анын саны кыскарууда, ошентсе да эң эле кооптуу болгон жерлерде жумуш сөзсүз аткарылат.

Бул тууралуу Элмира Шерипова Sputnik Кыргызстан радиосунун эфиринде маек куруп жатып билдирди.

Анын айтымында, учурда 34 объектиде сел, суу ташкындарын алдын алуу иштери жүргүзүлдү.

"Бир эле Өзгөчө кырдаалдар министрлиги эмес, бардык мамлекеттик органдар абалга жараша иш алып барууда. Биздин министрлик дагы коронавирус жайылып кетпеши үчүн бир топ иштерди жасап жатат. Өзгөчө абал, кырдаал киргизилген аймактарда аткарылчу иштер бир аз жылдырылып турат. Ал эми алдын алуу жумуштары аткарылчу жерлер болсо, сөзсүз өз учурунда аткарылат. Азыркы күнгө карата 34 объектиде сел, суу ташкындарын алдын алуу иштери жүргүзүлдү. Анын ичинен 29у аяктады. Жалал-Абад, Ош аймактарында мындай өзгөчө кырдаал жарыялана электе эле күн жылыгандан баштап арык, каналдарды тазалоо сыяктуу тийиштүү иштерди аткарганбыз. Учурда абалга жараша макулдашуу менен гана иш кылып жатабыз. Айрым жумуш аткарылчу объектилердин саны кыскаргандыгынан улам техникалык жетишсиздик байкалган жок", — деди Шерипова.

Ал жазында жер көчкү, сел болуу коркунучу бар аймактарда жыл сайын бак-дарактар отургузулуп келгенин, быйыл дагы "Жашыл долбоор" деп аталган долбоордун алкагында бак отургузуу иштери жүрүп жаткандыгын кошумчалады.

Жаңылыктар түрмөгү
0