БИШКЕК, 30-мар. — Sputnik. Борбор калаада Улуу Жеңиштин 75 жылдыгына арналган ырлардын аралыктан уюштурулган сынагы өтөт. Бул тууралуу Россиялык илим жана маданият борборунан билдиришти.
Конкурс "Ырдайлы, достор" деп аталып, ага үйдө, карантинде отуруп деле катышууга болот.
Сынактын шарттары:
- Мекенчилдик маанайдагы ырды тандоо керек (согуш жылдарындагы же Жеңиш, мекен, атактуу жердештер сыяктуу ушул багыттагы чыгармалар);
- Ырдап, видеого жаздырасыз (роликтин сапаттуу болушу шарт);
- Аткаруучу жана видео жөнүндө маалыматты (аты-жөнү, жашы, байланыша турган телефондун номери) maestroromans@mail.ru электрондук дарегине "Победа 75" деп белгилеп жөнөтөсүз.
Сынактын шарттары менен кененирээк таанышууну кааласаңыз, аталган борбордун сайтына бул шилтеме менен кире аласыз.
