БИШКЕК, 23-мар. — Sputnik. Вирустук инфекция менен курамында этил спирти бар антисептикалык гелдер натыйжалуу күрөшөт. Бул тууралуу испаниялык фармацевт Мар Сиейрага таянуу менен РИА Новости жазды.
Анын айтымында, этил спирти башкалардан айырмаланып вирулициддик, башкача айтканда, вирусту өлтүрө турган касиетке ээ.
"Курамынын 70 пайызы спирт болгон каражаттар бактерияларды өлтүрөт. Ал кургак учук таякчаларын, ВИЧ, сарыкка каршы майнаптуу. Ал эми вируска каршы туруу үчүн 95 пайыз этанол камтылган каражаттар зарыл", — деди Сиейра.
Фармацевт Саламаттык сактоо министрлигинин сертификациясынан өткөн каражаттарды гана пайдаланууга чакырган. Мындан тышкары, адис антисептиктер колдун терисин кургатып жибергендиктен азыктандырган кремдерди пайдалануу керектигин эскертти.
