БИШКЕК, 20-мар. — Sputnik. Бүгүн эртең менен Кыргызстанда очогунда күчү 4,5 баллга жеткен жер титирөө болгонун ӨКМ билдирди.
Маалыматка ылайык, жер силкинүү бүгүн, 20-мартта, саат 6:49да катталган.
Ал Ысык-Көл облусундагы Тоң районунун Кажы-Сай, Туура-Суу айылдарында 5 балл, Төрт-Күл, Темир-Канат, Эшперов, Көк-Сай, Ак-Сай айылдарында 4 балл, Коңур-Өлөң, Тогуз-Булак, Каро-Коо, Бар-Булак айылдарында 3 балл жана Жети-Өгүз районунун Чоң-Жаргылчак, Барскоон айылдарында 3 баллга чейин сезилген.
Жер титирөөдөн жабыркагандар жана кыйроолор катталган жок.
Казакстандын ЖМКларынын жазышынча, жер титирөө Алматыда да 2 балл болуп сезилген.
