БИШКЕК, 15-мар. — Sputnik. Кыргыз-казак жана кыргыз-өзбек чек арасындагы өткөрүү бекеттери кадимки режимде иштеп жатканын Мамлекеттик чек ара кызматы кабарлады.
Эскерте кетсек, Казакстан менен Өзбекстанда коронавирус жуктуруп алгандар аныкталып, казак бийлиги өзгөчө кырдаал жарыяласа, Ташкент чек ара жабылып, авиакаттамдар токтогонун билдирген.
"Ушу тапта чек аралардагы өткөрүү бекеттери кадимки режимде иштеп жатат. Өткөрүү пункттарынын мындан аркы иши боюнча сүйлөшүүлөрдү эки өлкөнүн Тышкы иштер министрликтери жүргүзөт", — деп айтылат маалыматта.
15 Жалган Куран 2020, 18:04
Ал эми Кыргызстандын Тышкы иштер министрлиги да билдирүү таратып, Чыңгыз Айдарбеков эки кесиптеши менен коронавирус боюнча кырдаалды талкуулашканын маалымдады.
Анда казак жана өзбек тарап бүгүнкү күндө Кыргызстан менен транзиттик жүккө чектөө киргизилбегенин айтканы кабарланган. Казакстанда мындан кийинки кадамдар коронавирустан улам өзгөчө кырдаал киргизилгенине байланыштуу түзүлгөн мамлекеттик комиссиянын кабыл алган чечимдерине жараша болмокчу.
