Кыргызстанда коронавирус билинбей жүрүшү мүмкүнбү? Министрдин жообу

© пресс-служба мэрии города БишкекСаламаттык сактоо министри Космосбек Чолпонбаев
Саламаттык сактоо министри Космосбек Чолпонбаев  - Sputnik Кыргызстан
Жазылуу
Саламаттык сактоо министри коронавирус 14 күндүн ичинде билинерин жана аны өз алдынча дарылоо мүмкүн эмес экенин айтты.

БИШКЕК, 13-мар. — Sputnik. Коронавирус Кыргызстанда билинбей, аныкталбай жүрүшү мүмкүн эмес. Бул тууралуу саламаттык сактоо министри Космосбек Чолпонбаев Бишкекте өтүп жаткан маалымат жыйынында журналисттердин суроосуна жооп берип жатып билдирди.

Sputnik агенттигинин кабарчысы "Кыргызстан кошумча 15 өлкөдөн келгендерге үй карантинин жарыялаганга чейин кирип кеткендер коронавирус жуктурушу жана ал аныкталбай жүрүшү мүмкүнбү?" деген суроо узатты.

"Коронавирус 14 күндүн ичинде билинет жана аны өз алдынча дарылоо мүмкүн эмес. Андыктан эгер Кыргызстанда кимдир бирөө бул вирусту жуктурган болсо, билинбей калмак эмес", — деди министр.

Буга чейин Чолпонбаев ушул тапта Кыргызстанда коронавирус боюнча канча киши медициналык жайларда, канча киши үй карантининде экенин айтып берген. Ошондой эле ал ооруканалардын даярдыгы тууралуу маалымат берген.

Жаңылыктар түрмөгү
0