Ал күнү феминисттер Бишкекте аялдардын укугун коргоп жүрүшкө чыгышкан. Бирок аларга белгисиз топ тоскоолдук кылып, таратууга аракет кылган. Ортодо пикир келишпестик чыкканда милиция катышуучуларды кармап кеткен.
10-марттагы митингдин уюштуруучулары адамдын конституциялык укуктарынын бузулушуна каршылыгын билдирип көчөгө чыгышты.
"8-мартта болгон окуя биздин өлкөдө адам укуктары бузулуп жаткандыгынын ачык-айкын далили болду, — деди модераторлордун бири.
Катышуучулар "Зомбулукка каршы!" жана "Тынчтык митингдери үчүн!" деген кагаздарды көтөрүп жүрдү.
