БИШКЕК, 9-мар. — Sputnik. Дүйнөдө мунайдын баасынын арзандашынан улам рублдин наркы доллар менен еврого карата 30 пайызга түшүп кетти. Бул туурасында РИА Новости жазды.
Мунайдын дүйнөлүк баасынын ылдыйлашы Россиянын аталган продукцияны өндүрүүнүн көлөмүн азайтуудан баш тартпаганы менен байланыштуу.
"Роснефть" компаниясынан ОПЕК+ менен болгон келишимде араб жана орустун арзан мунай затынын көлөмүн америкалык кымбат серьего алмаштыруу каралган.
"Албетте ушул турган шартта деле өнөктөштөр менен кандайдыр бир макулдашууга жетүүгө болмок. Бирок айтылган сунуш өнөктөштүн жасай турган иши болгон жок. Болгону биздин көлөм атаандаштардын көлөмү менен толтурулуп жатат... Бул деген мазохизм", — дешкен компаниянын маалымат кызматынан.
Россиянын энергетика министри Александр Новактын айтымында, ОПЕК менен түзүлгөн келишим 2020-жылдын 1-апрелинен тарта күчүн жоготот. Бул ага катышкандар эч кандай милдеткер болбой, мунай затты өндүрө алат дегендик.
Дүйнөлүк биржалар баанын төмөн түшүп кетиши менен ачылды. Эксперттер бир баррелдин баасы 40 доллардын тегерегинде болот деп күткөн. Бирок Brent продукциясы үчүн соодалашуу 31,43 доллардан башталды.
