БИШКЕК, 9-мар. — Sputnik. Кытайда эпидемия убагында милдетин аткарып жатып 50дөн ашык социалдык кызматкер каза тапты. Бул туурасында өлкөнүн жарандык администрация министрлигинин төрагасы Чэнь Юэлян билдиргенин РИА Новости жазды.
"8-марттагы маалыматка карата, жалпы өлкө боюнча 53 социалдык кызматкер эпидемия убагында милдетин аткарып жатып көз жумду", — деген аткаминер маалымат жыйында.
Юэлян кошумчалагандай, алардын 92,5 пайызы Кытайдын Комунисттик партиясынын мүчөлөрү болушкан.
Эскерте кетсек, декабрдын аягында Ухань шаарынын Хубэй провинциясында белгисиз өпкө оорусунун жайылганы байкалган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. Андан бери бул вирус планетанын жашоочуларын кооптондуруп келе жатат.
9-марттагы маалыматка караганда, вируска кабылгандардын саны 110 034кө жетти. Алардын арасынан 3825и көз жумуп, 61 977 киши сакайып кетти. Вирус жайылган мамлекеттердин саны 100дөн ашты.
