БИШКЕК, 5-мар. — Sputnik. Жума күнү, 6-мартта, күндүз республиканын көпчүлүк аймактарында катуу жаан жаап, карга айланышы ыктымал. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден 15-20 метрге жетет.
Абанын температурасы Чүй өрөөнүндө +1...+6, Ысык-Көл, Талас жергесинде 0…+5, Ош, Жалал-Абад, Баткен облустарында +4…+9 жылуу, ал эми Нарында термометрдин көрсөткүчү -3…+2 градуска чейин жогорулайт.
Бишкек жана Ош шаарларында мезгил-мезгили менен жаан жаайт. Күндүн табы борбор калаада +3...+5, Ошто +4...+6 градус жылуу болот.
