Песков Путин менен Эрдоган эмне тууралуу сүйлөшкөнүн айтып берди

© Sputnik / Сергей Гунеев / Медиабанкка өтүүПрезидент РФ В. Путин встретился с президентом Турции Р. Эрдоганом
Президент РФ В. Путин встретился с президентом Турции Р. Эрдоганом - Sputnik Кыргызстан
Жазылуу
Эки өлкөнүн башчыларынын сүйлөшүүсүнүн негизги темасы Сириянын Идлибиндеги абалдын курчушуна байланыштуу болгон. Алардын жолугушуусу Москва убактысы боюнча саат 14.06да башталган.

БИШКЕК, 5-мар. — Sputnik. Россия президенти Владимир Путин менен Түркия башчысы Режеп Тайип Эрдоган тет-а-тет форматында сүйлөшүп, аларга жарым саат мурда делегация кошулганын РИА Новостиге россиялык лидердин маалымат катчысы Дмитрий Песков айтып берди. 

Эки өлкө башчыларынын сүйлөшүүсүнүн негизги темасы Сириянын Идлибиндеги абалдын курчушуна байланыштуу болгон. Алардын баарлашуусу Москва убактысы боюнча саат 14:06да (17:06) башталган.

РФ лидери учурдагы кырдаалдын кайталанбашы үчүн жана орус-түрк мамилесин бекемдөө максатында кесиптеши менен Идлибдеги абал тууралуу талкуулоонун зарылдыгын белгилеген. Өз кезегинде Эрдоган жолугушуунун жыйынтыгы Сириянын аймагындагы кырдаалды жеңилдетерине көзү жетерин билдирген.

Түркия делегациясынын курамына ТИМдин, Коргоо жана Финансы министрликтеринин башчылары жана улуттук чалгын уюмдарынын жетекчилери кирди.

Идлибдеги кырдаалдын курчушу

"Хайят Тахрир аш-Шам" уюмунун террорчулары 27-февраль күнү Сирия армиясына чабуул баштаган. Өкмөттүк күчтөр жооп кайтарган болчу. Россиянын Коргоо министрлигинин маалыматы боюнча, аткылоого ал жерде жүрбөшү керек болгон түркиялык аскерлер да тушуккан.

Натыйжада Түркиянын 36 аскери каза тапканы айтылган. Россия тарап Сирия армиясынын аткылоосун токтотуп, көз жумгандардын сөөгү менен жарадар болгондорду Түркия аймагына эвакуациялоого шарт түзүп берген. Коргоо министрлиги аталган аймакта россиялык авиация колдонулбаганын белгиледи.

Турецкая военная мобильная ракетная пусковая установка ведет огонь в направлении сирийских правительственных сил в Идлибе. 14 февраля 2020 года - Sputnik Кыргызстан
Түркия Идлибде Сирия аскерлерине урган соккусунун видеосун жарыялады
Анкара буга жооп кылып Сириянын түндүк-батышында "Жазгы калкан" деп аталган жаңы аскердик операциянын башталганын жар салган.

Тышкы иштер министри Сергей Лавров Анкара Идлиб боюнча бир катар милдеттемелерин аткарбай койгонун айткан болчу. Мында Түркия оппозициянын өкмөт менен сүйлөшүүгө даяр бөлүгүн террорчулардан бөлбөй койгону айтылды.

2018-жылдын 18-сентябрында Россия менен Түркиянын ортосундагы макулдашуу эки президенттин жолугушуусунан кийин түзүлгөн. Анда Идлиб аймагындагы бардык террордук радикалдык топторду 2018-жылдын 15-октябрына чейин чыгаруу милдетин алып, Түркия аскерлерине артыкчылыктуу укуктар берилмек.

Мындан тышкары, документте аталган аймактын чек арасында "согуштук аракеттерди токтотууну камсыздоо үчүн натыйжалуу чаралар" көрүлөрү белгиленген. Ал эми меморандумдун жетинчи пунктунда бул райондо Россия менен Түркиянын биргеликте көзөмөл жүргүзүүсү каралган болчу.

Жаңылыктар түрмөгү
0