БИШКЕК, 23-фев. — Sputnik. Өлкөдө балдар үчүн мыкты обон жараткандарга республикалык сынак жарыяланды. Бул тууралуу Маданият, маалымат жана туризм министрлигинен кабарлашты.
Сынактын максаты — балдар үчүн тарбиялык мааниси урунттуу чыгармаларды жаратуу, бакчалардын, музыкалык жана орто мектептин балдарын музыкага тарбиялоо, репертуарды байытуу болуп саналат.
Шарттары:
- Обон жеке ырчынын же хордун аткаруусунда жазылып, CD дискке МР 3 форматында тапшырылышы керек;
- Чыгарманын ноталары менен диски конвертке салынып, жашыруун ат менен тапшырылат;
- Чыгармалардын саны үчтөн көп болбошу керек;
- Жыйынтыгы март айынын аягында чыгарылат.
Сынак атуулдук ырлар жана оюн ырлары болуп эки номинацияда өтөт.
