БИШКЕК, 17-фев. — Sputnik. Россиялык белгилүү ырчы Алла Пугачева жасаткан пластикалык операцияларын жана бетинин жаш көрүнүшүнүн сырын ачты. Эстрада жылдызы НТВ телеканалына маек берген.
"Мага жалпы наркоз алууга болбогондуктан, кичине ар кайсы жеримди тарттырып койгом", — деди ал жаагы менен чеке тушун көрсөтүп.
Ал эми терисинин жылмакайлуулугун үй-бүлөсүндө муундан-муунга өтүп келе жаткан байлык катары эсептейт.
11 Бирдин айы 2020, 13:48
"Башынан эле терим жакшы. Өз ишин мыкты билген пластикалык хирург тааныштарым дагы муну баалашат", — деди ырчы.
Мындан тышкары, ырчы терисине жана ден соолугуна кам көрүүгө көп убакыт кетирүүнү жактырбай турганын айтты.
"Дарыгерлер бат-баттан текшерилип турбайсың деп урушат. Өзүмдү жакшы сезип турсам деле медиктерге чуркай бергенди жаман көрөм. Бирок болбой эле маал-маалы менен чакырып алып, ден соолугума кам көрүшөт", — деди ырчы.
Буга чейин 51 жаштагы актриса жана ырчы Женифер Лопес бул куракта келишимдүү тулку бойду кантип сактоо керектигин айтып берген.
