БИШКЕК, 14-фев. — Sputnik. Ысык-Көлдүн Ак-Суу районуна караштуу Нововознесеновка айылынын 70 жаштагы М.П. аттуу тургунунун үйүнөн көп сандаган куралдар табылды. Бул тууралуу райондук милициядан билдиришти.
![Ысык-Көл: үйүндө курал сактаган киши колго түштү. Сүрөттөр Ысык-Көл: үйүндө курал сактаган киши колго түштү. Сүрөттөр - Sputnik Кыргызстан](https://sputnik.kg/img/104706/89/1047068936_0:0:780:842_600x0_80_0_0_60a1c9fb583fca659567a3d2f929fc0e.jpg)
Маалыматка караганда, РИИБдин кызматкерлерине "Бык" аттуу каймана аты бар киши үйүндө курал сактап жүргөнү тууралуу кабар түшкөн. Буга байланыштуу 13-февраль күнү анын үйүндө санкциялаштырылган тинтүү иштери жүргүзүлгөн.
![Ысык-Көл: үйүндө курал сактаган киши колго түштү. Сүрөттөр Ысык-Көл: үйүндө курал сактаган киши колго түштү. Сүрөттөр - Sputnik Кыргызстан](https://sputnik.kg/img/104706/89/1047068947_0:0:780:1040_600x0_80_0_0_53dc46d7a25a9ed89a2e9bdb9f67660a.jpg)
"Шектүүнүн үйүнөн сайлуу жана сайсыз эки мылтык, "аммонит" үлгүсүндөгү 8 даана жарылуучу зат, 84 даана ок-дары, ошондой эле 6 даана текенин мүйүзү табылды", — дешти милициядан.
![Ысык-Көл: үйүндө курал сактаган киши колго түштү. Сүрөттөр Ысык-Көл: үйүндө курал сактаган киши колго түштү. Сүрөттөр - Sputnik Кыргызстан](https://sputnik.kg/img/104706/89/1047068941_0:0:780:1040_600x0_80_0_0_e34ced2fc87695262b91a7a47e959c3f.jpg)
Факты Кылмыш жана жоруктардын бирдиктүү реестрине Жазык кодексинин 253-беренеси («Куралды, ок-дарыларды мыйзамсыз жүгүртүү») беренеси менен сотко чейинки өндүрүш иши башталды. Шектүүнүн баш коргоо чарасы каралганга чейин Каракол шаардык милициясынын убактылуу кармоочу жайына киргизилди.
Ак-Суу райондук милициясынын башчысы Улан Канаевдин айтымында, аймакта "Арсенал" операциясы өтүүдө. Анын алкагында курал сактаган адамдар аныкталат. Эгер жарандар мыйзамсыз сакталган куралдарды өз ыктыяры менен тапшырышса, кылмыш жоопкерчилигине тартылбайт.