БИШКЕК, 14-фев. — Sputnik. Эл ташыган маршруткаларга аялдамалардын 20 пайызына гана токтоого уруксат берүү пландалып жатат. Бул тууралуу вице-мэр Мирлан Амантуров шаардык муниципалитеттин коллегиясында билдирди.
Анын айтымында, жолдун кесилишиндеги аялдамаларды жылдыруу пландалып жатат.
"Март-апрель айларында аялдамалардын 20 пайызына маршруткалар, ал эми калган 80 пайызына автобустар токтоп башташы мүмкүн. Автобустар үчүн аялдамалар жашыл түскө, бустар токтой турган аялдамалар сары түскө боелот", — деди вице-мэр.
Ал мындай жол менен тыгынды азайтууга болорун белгиледи.
