БИШКЕК, 12-фев. — Sputnik. Убактылуу айдоочулук күбөлүктөрдү колдонуу мөөнөтү аягына чыгарына үч күн калды. Андан кийин айдоочуларга айып салына баштайт.
Эске салсак, быйыл июль айынан тарта Мамлекеттик каттоо кызматы айдоочулук күбөлүк бербей калган. Себебин эски үлгүдөгү бланктар жок калды деп түшүндүрүшкөн. Айдоочулук күбөлүктүн жаңы үлгүсү басылып чыкканга чейин ордуна убактылуу бланк берилип келген. Башында убактылуу айдоочулук күбөлүк 2019-жылдын 31-декабрына чейин жарактуу деп саналып, бирок элдин өтүнүчү менен 15-февралга чейин узартылган болчу.
Жол кыймылынын коопсуздугун камсыздоо боюнча башкармалыгынан билдиришкендей, 15-февралдан тарта документти алмашпагандар КРдин Жазык кодексинин 122-беренесине ылайык, "транспорт каражатын документсиз айдап жүргөн" деп айыпталат.
Айып пулдун өлчөмү 1000 сом, мындан тышкары автоунаа айып короого киргизилет. Аны кайтарып алуу үчүн айдоочу жаңы айдоочулук күбөлүгүн жана башка документтерди көрсөтүшү керек.
Убактылуу айдоочулук күбөлүктү жаңысына "Унаа" мамлекеттик мекемесинин аймактык бөлүмдөрүнөн алмаштырса болот.
Дареги: Чокан Валиханов, 2 ("Аю Гранд" гипермаркети тарап) дарегине таштаса болот. Ал эми дайын болгон документти №4 калкты тейлөө борборунан (Ауэзов көчөсү, 1/5 "Два прораба" гипермаркети) алуу керек.
