БИШКЕК, 3-фев. — Sputnik. Жалал-Абад облусунун Ала-Бука району өткөн жылы Бельгияга 12 тонна, Монголияга 7 тонна өлчөмүндө кургатылган кара өрүк экспорттогон. Бул туурасында Айыл чарба, тамак-аш өнөр жайы жана мелиорация министрлигинен кабарлашты.
Бул продукцияны аталган аймактагы кооперативдер сыртка саткан.
"Кооперативдер, мындан сырткары, ички рынокко — Бишкек жана Ош шаарларындагы соода түйүндөрүнө кургатылган кара өрүк саткан. Кен казган ири компанияларга атайын кийимдерди тигип, мөмө-жемиш ширелери менен камсыздаган", — деп айтылган маалыматта.
Учурда аталган райондо чарбаларды ирилештирүү боюнча регионалдык кооператив түзүү демилгеси көтөрүлүүдө.
