БИШКЕК, 2-фев. — Sputnik. Биринчи жолу Кытайдан башка мамлекетте, тагыраагы, Филиппинде коронавирустан киши каза тапты. 44 жаштагы эркек адам Ухань шаарынын тургуну болгондугун Дүйнөлүк саламаттык сактоо уюмунун Филиппиндеги бөлүмү Twitter баракчасына жазды.
A 44-year-old male is confirmed as the second person with the 2019 novel coronavirus acute respiratory disease (2019-nCoV) in the Philippines. He passed away on 1 February 2020. pic.twitter.com/5a5tPWtvpc
— World Health Organization Philippines (@WHOPhilippines) February 2, 2020
Маалыматка ылайык, ал Филиппинде коронавирус илдетин жугузуп алган эки адамдын бири болчу. Анын көз жумганы 1-февралда маалым болгон.
Коронавирус тууралуу
Коронавирус Кытайдан тышкары 20дан ашык мамлекетке жетип, 100дөн ашык адам вирусту жуктурган. Ал эми Кытайда оорудан 304 адам каза таап, 14 380ге чукул киши ооруп жатат. Бейтапканадан чыккандардын саны — 328.
Кыргызстан көргөн чаралар
Өкмөт тарабынан коронавирустун өлкө аймагында жайылышын алдын алуу үчүн иш-чаралардын планы бекитилген. Саламаттык сактоо министрлиги Кыргызстанда бет кап жана вирустук инфекцияларга каршы дары-дармектер жетиштүү экендигин эскертти.
