БИШКЕК, 31-янв. — Sputnik. Кантта жайгашкан Россиянын аскерий авиабазасы "Урал" аталышындагы 13 армиялык жүк ташуучу унаа менен толукталды. Автоунаа кузовунда кең калибрдүү пулеметтун болушу менен айырмаланып турат. Бул туурасында РФтин Коргоо министрлигинин борбордук аскер чөлкөмүнүн маалымат кызматы билдирди.
Курал-жарак кызматынын адистери унааларды сооттоп чыгышкан. Алар автокөлүктөрдүн кыймылдаткычтарын, кабина жана кузовунун десанттык бөлүктөрүн бекемдешкен.
Бул унаалар террорчулукка каршы аракеттерде колдонулары айтылды.
Автокөлүктөр буга чейин ЖККУнун Тажикстанда өткөн окуусунда колдонулган. Анда экипаж башка танктарга аскер аракеттерди көрсөтүп машыгышкан.
Ошондой эле базанын карамагында Су-25 учактары менен Ми-8 тик учактары бар экендиги кошумчаланды.
