БИШКЕК, 31-янв. — Sputnik. Экологиялык жана техникалык коопсуздук боюнча мамлекеттик инспекциянын директору Жолдошбек Жунушев кызматынан бошотулду. Бул тууралуу өкмөттөн билдиришти.
Тиешелүү буйрукка премьер-министр Мухаммедкалый Абылгазиев кол койду.
Белгилей кетсек, буга чейин Кыргызстандын Коопсуздук кеңеши премьер-министрге Жолдошбек Жунушевди кызматтан алууну сунуштаган. Маалыматка ылайык, Жунушев кол алдындагылардын ишине ведомстволук көзөмөл кылбагандын себебинен жумушчулары кызматтык кылмыштарды жасаган.
