БИШКЕК, 29-янв. — Sputnik. Бишкекте улгайган аялды маршрутка коюп кетти. Жабырлануучу алган жаракатынан улам каза тапкан. Бул тууралуу Sputnik Кыргызстан агенттигинин кабарчысына Кайгуул күзөт кызматынан билдиришти.
Окуя бүгүн саат 14.00дөр чамасында Көлбаев менен Чокон Валиханов көчөлөрүнүн кесилишинде болгон.
"Mercedes Sprinter үлгүсүндөгү микроавтобустун 58 жаштагы айдоочусу Көлбаев көчөсүнөн бурулуп жатып 79 жаштагы Т.В. аттуу аялды коюп кеткен", — дешти милициядан.
Факт Кылмыш жана жоруктардын бирдиктүү реестрине каттоого алынып, тийиштүү экспертизалар дайындалды.
