БИШКЕК, 23-янв. — Sputnik. Бириккен Улуттар Уюмунун баш катчысы Антониу Гутерреш Башкы ассамблеяда сүйлөп жатып учурда дүйнөгө кооптуулук жаратып жаткан төрт көрүнүш бар экендигин айтты. Бул туурасында РИА Новости жазды.
"Мен арабыздан "төрт атчанды"— алар XXI кылымдагы прогрессти кыйратып кетчү жана жаратылган мүмкүнчүлүктөрдү коркунучка кептеген төрт кооптуулукту көрүп турам", — деди Гутерреш.
Анын айтымында, биринчиси — "геостратегиянын болуп көрбөгөндөй чыңалып турушу". Башкы катчы бул чатактар адамдарга азап алып келерин, өзөктүк курал кооптуулугу улам өскөнү байкалгандыгын айткан.
Үчүнчү кооптуулукту ал "улам арбып бара жаткан глобалдуу деңгээлдеги ишенбөөчүлүк" деп атаган. Дүйнөдө саясий мекемелерге болгон ишеним азайып; үч кишинин экөө теңсиздик жайылган өлкөдө жашарын; ааламдашуунун пайдасынан адамдар уламдан-улам шек санап баштагандыгын жар салды.
Акыркы жамандык — башкы катчынын пикиринде, "санарип дүйнөнүн караңгы жактары". Гутерреш адамзат жаңы технологияларды кылмыш кылып, жек көрүүчүлүктү арбытып жана жалган маалымат таратыш үчүн жана адамдарды аеосуз иштетүүгө колдонуп жатат.
