БИШКЕК, 20-янв. — Sputnik. Чүй облусунун Ысык-Ата районунун Кең-Булуң айылына жакын жерде Volkswagen Jetta унаасы менен Toyota Avensis кагышып, эки адам каза тапты. Бул тууралуу Чүй облустук милициясынан кабарлашты.
Жол кырсыгы Бишкек — Нарын — Торугарт унаа жолунун 50-чакырымында саат 22.00дөр чамасында болгон. Буга чейин окуядан бир кишинин көз жумганы айтылган.
Посмотреть эту публикацию в Instagram
Милициянын маалыматына караганда, кырсыктын кесепетинен Volkswagen Jetta унаасынын айдоочусу жана бир жүргүнчүсү каза тапкан. Дагы жети киши жаракат алып, ооруканага жаткырылган.
Учурда жол кырсыгынын себеби такталууда.
