Мамлекеттик каттоо кызматы автоунааларды каттоо жана кайра каттоо канча турарын кабарлаган.
Анда көрсөткүч былтыркы жылдагыдай эле калган: транспортту биринчи жолу каттоодо алынуучу жыйым, бекитилген торчо менен 5 пайыз, ал эми кайра каттоодо 0,3 пайыз көрсөткүчтү түзөт.
Андагы маалыматтардын негизинде 2020-жылы автоунааны каттоо жана кайра каттоо канча турарын эсептеп берген калькулятор даярдадык.
Ал үчүн автоунаанын чыккан өлкөсүн, жылын, кыймылдаткычынын көлөмүн куб сантиметр менен жазыш керек.
Эгерде автоунаа гибрид болсо, аны тиешелүү жерге чымчыкча менен белгилеш керек.
Электромобилдер салыктан бошотулган.
Эске салсак, 2018-жылдын жай айында кайра каттоонун акчасын арзандатышкан: мурда белгиленген тарифтик торчодогу орточо баанын бир пайызын түзүп келген.
Ал арада Мамлекеттик каттоо кызматы автоунаалардын ээлерин кылчактабай "Унаа" мамлекеттик мекемесинен каттоодон өткөрүп жана сатуу-сатып алуусун документтештирүүсүн айтып келет. Процедуранун автокөлүктү ишеним кат менен айдап жүргөндө кездешүүчү маселеден арылтаары айтылды.
Sputnik Кыргызстан 2020-жылдан баштап сиз ала турган автоунаа канчага сатылышы мүмкүн экендигин эсептеп берген калькулятор жасаган.
