БИШКЕК, 16-янв. — Sputnik. Жума күнү, 17-январда, күндүз Ош, Баткен, Ысык-Көл, Нарын облустарынын кээ бир райондорунда, Чүй, Жалал-Абад облустарынын тоолуу өрөөндөрүндө кар жаайт. Ал эми Талас облусунда, Чүй, Жалал-Абаддын дыйканчылык аймактарында жаан-чачын күтүлбөйт. Бул тууралуу Кыргызгидромет билдирди.
Маалыматка ылайык, абанын температурасы Чүй, Ош, Баткен, Жалал-Абад облустарында -4...+1, Талас аймагында 0...-5, Ысык-Көлдө -2…+3, Нарын жергесинде -5...-10 градус суук болот.
Борбор калаада 0...-2 градус суук болсо, Ош шаарында термометр -1...+1 градусту көрсөтөт.
