БИШКЕК, 12-янв. — Sputnik. Индияда желим бөтөлкө жутуп алып кыйналып жаткан жыланды күбөлөр видеого тартып алган. Бул туурасында NDTV телеканалы жазды.
When it comes to #plastic there is nothing called as throwing away. See how single use plastic like bottles effecting the wildlife & other species. Video may disturb you. pic.twitter.com/swnxAjbyCx
— Parveen Kaswan, IFS (@ParveenKaswan) 10 января 2020 г.
Видеону жергиликтүү токой кызматынын жумушчусу Парвин Касван Twitter баракчасына жарыялады. Кадрдан жылан жутуп алган бөтөлкөнү кайра чыгара албай кыйналып жатканын көрүүгө болот. Касван: "Караңыздарчы, желим бөтөлкөлөр жапайы жаратылышка кандай таасир этет. Бул силерди таң калтырышы мүмкүн", - деп жазган.
Аталган видеону эки күндө 50 миңден ашуун адам көргөн. Интернет колдонуучулары адамдар экологияга башкача көз караш менен карап, аяр мамиле кылышы керектигин жазган.
