БИШКЕК, 7-янв. — Sputnik. Samsung компаниясы Лас-Вегаста (АКШ) өтө турган эл аралык электроника көргөзмөсүндө жаңы ишин — компьютер менен башкарылып турган биринчи жасалма адамды көрсөтөт. Бул туурасында The Verge басылмасы жазып чыкты.
Табышмактуу долбоор тууралуу маалымат интернетке жаңы жылга чейин эле тараган. Ал NEON деп аталып, жасалма интеллекттин негизинде виртуалдык адамдын эмоциясы менен башкарылат. Иштеп чыгуучулар социалдык тармактарда элди кызыктырган кыскача пост жазып, толук маалымат беришкен эмес.
NEON = ARTIFICIAL HUMAN
— NEON (@neondotlife) 27 декабря 2019 г.
Долбоордун Twitter баракчасына бир нече жасалма адамдын сүрөтү жүктөлүп, бир аз убакыттан кийин өчүрүлгөн. Анткен менен колдонуучулар аны көчүрүп алууга жетишип, YouTube-каналга жарыялап жиберишкен.
Verge белгилегендей, өндүрүм компьютердик анимациялардай эмес, чыныгы адамдарга окшош. Аларды гид, катчы, алып баруучу, администратор жана башка кызматтарга ишке тартууга болот.
You will soon meet #NEON pic.twitter.com/Sm1WbhG0Er
— NEON (@neondotlife) 23 декабря 2019 г.
Долбоордун автору Пранав Мистри да Twitter баракчасы аркылуу көргөзмөгө жасалма адам катыша турганын жазып, аватарлардын биринин сүрөтүн жүктөгөн.
Flying to CES tomorrow, and the code is finally working :) Ready to demo CORE R3. It can now autonomously create new expressions, new movements, new dialog (even in Hindi), completely different from the original captured data. pic.twitter.com/EPAJJrLyjd
— Pranav Mistry (@pranavmistry) 5 января 2020 г.
IT жетишкендиктеринин Consumer Electronics Show (CES) 2020 аталышындагы эл аралык көргөзмөсү Лас-Вегаста 7-январь күнү башталган, ал 10-январда аяктайт.
