БИШКЕК, 3-янв. — Sputnik. Казакстандын президенти Касым-Жомарт Токаев Затобольск айылын Тобыл шаары деп атоо боюнча токтом чыгарды. Документ Акордонун сайтына жарыяланды.
Маалыматка ылайык, Затобольск айылы Костанай облусунун Костанай районунда жайгашкан. Ал 1863-жылы негизделген. Анда болжол менен 26 миңден ашык адам жашайт.
2018-жылы жергиликтүү бирикменин жыйыны өтүп, жашоочулар айылдын статусун жогорулатып, жаңы ат берүү боюнча маселе көтөрүшкөн.
