БИШКЕК, 1-янв. — Sputnik. 2020-жылы ажылык сапарына баруу үчүн Кыргызстандан 7525 жаран катталды. Бул тууралуу Муфтияттын маалымат кызматы кабарлады.
Билдирмеге караганда, каттоого алынган зыяратчылардын баары РСК банкы аркылуу акча каражатын төлөгөн. Учурда ажылыкка катталган жарандардын документтерин толуктоо иштери жүргүзүлүүдө. Алгачкы төлөм 500 долларды түзөт, ошонун негизинде гана кезекке тургузулат.
Эскерте кетсек, ажылык сапарына каттоо 2019-жылдын 16-декабрында башталып, 30-декабрь күнү саат 17:00дө аяктаган.
