БИШКЕК, 29-дек — Sputnik. Бишкекте жеңил унаа бакты сүзүп кырсыктаганын Sputnik агенттигине окурман кабарлады.
Анын айтымында, жол кырсыгы Байтик баатыр менен Скрябин көчөлөрүнүн кесилишинде болгон. Жол кыймылы коопсуздугун камсыздоо башкармалыгы машинаны 23 жаштагы бала айдап баратканын, анын жабыркаганын билдирди.
Видео Sputnik Кыргызстандын "Бишкек сегодня" "Телеграмм" каналына жүктөлгөн.
Кадрлардан көрүнүп тургандай, бакка урунган унаанын маңдайкы үстүңкү бети, айнектери, дөңгөлөгү жана сол капталы катуу жабыркаган. Айдоочу алгач эсине келбей, андан кийин окуянын күбөлөрү жана милиция менен сүйлөшүп баштаганын байкоого болот.
Аны ичимдик ичкен деген белгилер менен ооруканага жаткызышканы маалым болду. Дарыгерлер анын мээси чайкалып, баш сөөгү жаракат алганын, ооруп, көгөргөн жерлери бар экендигин аныктаган.
Биздин Telegram-каналга жазылыңыз.
