БИШКЕК, 14-дек. — Sputnik. Жекшемби күнү, 15-декабрда, күндүз Ысык-Көл, Нарын облустарынын көпчүлүк аймактарында, Чүй, Талас, Ош, Жалал-Абад облустарынын кээ бир райондорунда кар жаайт. Баткен облусунда жаан-чачын күтүлбөйт. Бул тууралуу Кыргызгидромет маалымдады.
Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрден Ысык-Көл акваториясында 15-20 метрге жетет.
Термометрдин көрсөткүчү Чүйдө 0...-5, Талас аймагында -1…-6 градуска чейин төмөндөйт, ал эми Ысык-Көлдө -1...+4, Ош, Баткен жана Жалал-Абад облустарында 0...+5 градус жылуу, Нарын жергесинде -2…-7 градус суук болот.
Бишкекте күндүн биринчи жарымында кар жаап, абанын температурасы 0...-2 градус болсо, Ош шаарында күн ачык болуп, +2…+4 градус жылуу болору болжолдонду.
