Окуя Россиянын Пермь шаарында болгон. Кадрдан Lada Priora автоунаанын бир эле жерде айдоочусу жок тегеренип жаткандыгын көрүүгө болот. Кызыгы, башка темир тулпарларды сүзгөнү менен мыйрыйтып кеткен эмес. Айланадагылар, жөн кишилер да, айдоочулар да "ээнбаш" автоунааны токтото албай коюшкан. Окуя ортолоп калганда көп кабаттуу үйлөрдөн ич кийимчен киши чуркап чыккан. ЖМКлар ал темир тулпардын кожоюну деп божомолдошту.
Ээсинин машинаны тээп да, чаап да, бирок токтото албай жаткандыгын көрүүгө болот. Бир учурда автомашина жылып бара жатып токтоп калгандан кийин окуя аяктаган.
