БИШКЕК, 29-ноя. — Sputnik. Кыргызстандык модель Сайкал Токтогулова Miss Tourism Metropolitan International — 2019 эл аралык сынагына катышат. Бул тууралуу конкурстун Facebook баракчасына жарыяланды.
Таажы менен акчалай сыйлык үчүн 40 мамлекеттен келген катышуучу ат салышат. Сынак 2-декабрда Камбоджада башталып, финалы 14-декабрда өтөт.
Буга чейин Токтогулова "Кыргызстан сулуусу — 2019" сынагына катышып, "Кыргызстандын топ модели" наамын жеңип алган.
Сайкал 18 жашта. Учурда ал Кыргыз авиациялык институтунда билим алат.
Посмотреть эту публикацию в Instagram
Miss Tourism Metropolitan International сынагына 2017-жылы өлкө атынан Айсулуу Абдыбакасова катышкан.
