Алмазбек Атамбаев акыры сотко алынып келди. Видео

© AFP 2023 / VYACHESLAV OSELEDKOСитуация около дома бывшего президента КР Алмазбека Атамбаева в селе Кой-Таш
Ситуация около дома бывшего президента КР Алмазбека Атамбаева в селе Кой-Таш - Sputnik Кыргызстан
Жазылуу
Алмазбек Атамбаев буга чейин эки ирет сотко келүүдөн баш тарткан. Ошого байланыштуу процессти ансыз өткөрүү чечими кабыл алынган болчу.

БИШКЕК, 29-ноя. — Sputnik. Кримтөбөл Азиз Батукаевдин мыйзамсыз бошотулушу боюнча мурдагы президент Алмазбек Атамбаев Биринчи Май райондук сотуна алып келинди.

Анын адвокаты Сергей Слесаревдин айтымында, азырынча соттук процесс баштала элек. Атамбаевди колдоп, сотко анын тарапташтары Кундуз Жолдубаева менен Асель Кодуранова да келди. 

Эске салсак, буга чейин Алмазбек Атамбаев эки ирет сотко келүүдөн баш тарткан. Ал эми мунусунда кандайча макул болгону айтыла элек.   

Батукаевдин иши

Азиз Батукаев 2006-жылы баңгизатты мыйзамсыз сактоо, жарылуучу заттарды жана курал-жаракты мыйзамсыз алып жүрүү, массалык башаламандык уюштуруу боюнча айыпталып, 16 жылга эркинен ажыратылган. 2008-жылы абак тартибин бузганы үчүн жаза мөөнөтүнө дагы эки жыл кошулуп, Нарындын №24 абагына которулган. Бирок 2013-жылдын 9-апрелинде оор дартка кабылганына байланыштуу деп бошотулуп, Кыргызстандын аймагынан Грозныйга учуп кеткен.

Митинг сторонников бывшего президента Алмазбека Атамбаева в Бишкеке - Sputnik Кыргызстан
Жээнбеков, Атамбаев жана агасынын Райым Матраимов тууралуу айткандары
2014-жылдын 20-майында КР Жаза аткаруу мамлекеттик кызматы Батукаевге эл аралык издөө жарыялаган. ИИМдин маалыматы боюнча, учурда Батукаев курал-жарак сактаганы үчүн үч жылга эркинен ажыратылып, Чечен Республикасында жаза мөөнөтүн өтөп жатат.

2019-жылы апрелде башкы прокурор Өткүрбек Жамшитов ЖК жыйынында криминалдык авторитет Азиз Батукаевдин иши кайра жанданганын билдирген.

Анын бошотулушу боюнча бир катар мурдагы аткаминерлер менен дарыгерлер да суракка чакырылып, кээси камакка алынган. Ал эми мурунку башкы прокурор Аида Салянова, ошол кездеги вице-премьер Шамил Атаханов жана саламаттык сактоо министри Динара Сагынбаева, мурунку башкы прокурор Индира Жолдубаева тергөө менен кызматташмай болду деген жүйө менен үй камагына чыгарылган.

Жаңылыктар түрмөгү
0