БИШКЕК, 28-ноя. — Sputnik. Коопсуздук кеңешинин жетекчиси Станислав Зась Жамааттык коопсуздук келишим боюнча уюмдун башкы катчысы болуп дайындалат. Бул тууралуу ЖККУнун башкы катчысынын милдетин аткарып жаткан Валерий Семериков билдирди.
"Бүгүн президенттер Станислав Засты куттукташты. Ал 2020-жылдын 1-январынан тарта уюмдун башкы катчысы кызматына киришет", — деди Семериков.
Уюмдун мурунку башкы катчысы Юрий Хачатуровго Армениянын Тергөө кызматы 2008-жылдын 1-мартындагы каршылык акциясынын катышуучуларын кууп таратуу боюнча кылмыш иштин алкагында конституциялык түзүлүштү кулатты деген айып койгон. Мындан улам ал кызматынан алынган.
