Кыргызстанды кошпогондо бүгүн Бишкекте төрт мамлекеттин — Белоруссия, Казакстан, Россия жана Тажикстан президенттери менен Армениянын премьер-министри жүрөт. Алар ЖККУнун Жамааттык коопсуздук кеңешинин сессиясына келишти. Жолугушуу мамлекеттик "Ала-Арча" резиденциясында өтүүдө.
Sputnik Кыргызстан Бишкекке келген жогорку даражалуу коноктор кандай автоунаа менен жүргөндүгүн дагы бир ирет көрсөтмөкчү. Казакстандын президенти Касым-Жомарт Токаев аэропорттон өзүнүн Mercedes-Maybach S600 автоунаасы менен чыкты. Ал ШКУнун жыйынына да дал ушул автокөлүгү менен келген эле. Ал эми Россия лидери Владимир Путин Кыргызстанга адаттагыдай эле өзүнүн 18 миллион долларлык, сооттолгон Aurus лимузинин ала келген.
Мамлекет башчы Сооронбай Жээнбековду жана анын кесиптештерин, Белоруссия, Тажикстан президенттери менен Армениянын өкмөт башчысын, Mercedes-Benz W222 ташыды. Автокөлүктөрдү президент менен өкмөттүн иш башкармалыгы берген.
