БИШКЕК, 28-ноя. — Sputnik. Албаниянын коргоо министри Олта Жачка 26-ноябрда болгон жер титирөөдөн каза болгондор жөнүндө айтып жатып көзүнө жаш алды. Бул тууралуу "Известия" басылмасы жазды.
Министр каза болгондордун тизмесин окуп жатып, бул өмүрүндөгү эң оор доклад болгонун айтты.
Në komunikimin tim më të vështirë publik, mu desh të lexoja emrat e personave që humbën jetën nga tërmeti.
— Olta Xhaçka🇦🇱 (@xhacka_olta) 27 ноября 2019 г.
Lutem që shpirti i tyre të prehet në paqe.
U lutem banorëve, shtëpitë e të cilëve kanë pësuar dëme të rënda, të mos rikthehen deri në vlerësimin nga specialistët. pic.twitter.com/H5uu2rTAkZ
"Биз кыйраган имараттарды калыбына келтиребиз. Бирок 26-ноябрдагы зилзаладан каза болгон жарандардын өмүрүн кайтара албайбыз", — деди ал.
Белгилей кетсек, 26-ноябрда Албанияда магнитудасы 6,4 баллга жеткен жер титирөө болгон. Акыркы маалыматтар боюнча, зилзаладан 32 киши өмүрү менен кош айтышкан. Ошондой эле 658 киши ар кандай жаракаттарды алган. Куткаруучулар урандылардын алдынан 47 кишини алып чыккан. Дайынсыз жоголгондорду издөө иштери уланып жатат.
Албаниянын бийлиги өлкөгө өзгөчө кырдаал киргизип, борбор калаа Тиран менен Дуррес шаарында аза күнүн жарыялады.
